Əsas səhifə - Tournament

4 mart 2024

Dövlət qurumları arasında nərd yarışı təşkil edilib

"İdman həftəsi" çərçivəsində nəzərdə tutulmuş silsilə tədbirlər davam edir. Martın 4-də dövlət qurumlarının əməkdaşları arasında nərd yarışı keçirilib. Gənclər və İdman Nazirliyi, “İçərişəhər” Dövlət Tarix-Memarlıq Qoruğu İdarəsi və Azərbaycan Milli İdman Növləri Assosiasiyasının birgə təşkilatçılığı ilə keçirilən yarışda ümumilikdə 35 dövlət qurumundan 42 əməkdaş (12 qadın, 30 kişi) iştirak edib.

Yekun nəticələrə görə qadınlar arasında Lətifə Məmmədova (Medianın İnkişafı Agentliyi), Aysel Ağayeva (Elm və Təhsil Nazirliyi), Samirə Cəfərova (SOCAR) ilk üçlükdə qərarlaşıblar. Kişilər arasında Tural Gözəlov (Maliyyə Nazirliyi) birinci olub. Nuhi Hüseynov (Respublika Dəri-Zöhrəvi Mərkəzi) və Kamil İlyasov (AZAL) müvafiq olaraq ikinci və üçüncü yerlərə layiq görülüblər.