Əsas səhifə - Tournament

3 mart 2024

Dövlət qurumları arasında voleybol yarışı keçirilib

“İdman həftəsi” çərçivəsində martın 3-də dövlət qurumlarının əməkdaşları arasında voleybol yarışı keçirilib. Gənclər və İdman Nazirliyi, Azərbaycan Voleybol Federasiyasının birgə təşkilatçılığı ilə Voleybol Mərkəzində təşkil olunan yarışda 9 dövlət qurumundan 14 komanda (8 kişi, 6 qadın) mübarizə aparıb.

Azərbaycan Dövlət Himni səsləndirildikdən sonra yarışlara start verilib. Oyunlar olimpiya sistemi ilə keçirilib. Daha sonra yarımfinal və final görüşləri baş tutub. Yekun nəticələrə əsasən kişilər arasında Fövqəladə Hallar Nazirliyi birinci olub. İkinci və üçüncü yerlərə müvafiq olaraq SOCAR və AZAL-ın komandaları layiq görülüblər. Qadınlar arasında isə SOCAR, Dövlət Gömrük Komitəsi və AZAL fərqləniblər.

Bağlanış mərasimində Azərbaycan Voleybol Federasiyasının (AVF) prezidenti Şahin Bağırov çıxış edərək mükafatçıları təbrik edib. Daha sonra qaliblər mükafatlandırılıb.