Əsas səhifə - Tournament

29 iyun 2024

Dövlət qurumlarının əməkdaşları arasında kamandan oxatma yarışı keçirilib

İyunun 29-da dövlət qurumlarının əməkdaşları arasında kamandan oxatma yarışı keçirilib. Gənclər və İdman Nazirliyi və Azərbaycan Kamandan Oxatma Federasiyasının təşkilatçılığı ilə keçirilən yarışda 13 dövlət qurumundan 29 əməkdaş (15 kişi, 14 qadın) iştirak edib.

Kişilərin yarışında AZƏRTAC-ın əməkdaşı Hikmət Əhmədov birinci olub. Elnur Məmmədov (Gənclər və İdman Nazirliyi) və Rafiq Mahmudov (Ailə, Qadın və Uşaq Problemləri üzrə Dövlət Komitəsi) müvafiq olaraq ikinci və üçüncü yerlərə layiq görülüblər.

Qadınlar arasında Fövqəladə Hallar Nazirliyinin əməkdaşı Əzizə Lalayeva birinci olub. Mədinə Mahmudova (Medianın İnkişafı Agentliyi) yarışı ikinci, Ülviyyə Hacıyeva (Gənclər və İdman Nazirliyi) üçüncü pillədə başa vurublar.