Atıcılıq

Dövlət qurumlarının əməkdaşları arasında stend atıcılığı yarışı keçirib

İyulun 6-da Gənclər və İdman Nazirliyi (GİN), Azərbaycan Atıcılıq Federasiyasının təşkilatçılığı ilə dövlət qurumlarının əməkdaşları arasında stend atıcılığı yarışı keçirib.
Bakı Atıcılıq Mərkəzində keçirilən yarışda 20 dövlət qurumundan 57 əməkdaş (19 qadın və 38 kişi) iştirak edib. 
Yekun nəticələrə görə, qadınlar arasında SOCAR-ın əməkdaşı İlahə Hacıyeva birinci olub. Gənclər və İdman Nazirliyinin əməkdaşı Qumru Məmmədova yarışı ikinci, Maliyyə Nazirliyinin əməkdaşı Aysel Qasımova isə üçüncü pillədə başa vurublar.
Kişilər arasında Əmək və Əhalinin Sosial Müdafiəsi Nazirliyinin əməkdaşı Rəşad Eyyubov ən yüksək nəticə göstərərək birinci yerə layiq görülüb. SOCAR-ın əməkdaşı Elşən Lalayev ikinci, Fövqəladə Hallar Nazirliyinin əməkdaşı Tural Həsənli isə üçüncü yerdə qərarlaşıblar.

Bütün nəticələrlə buradan tanış ola bilərsiniz:_